Mushola Nurul yaqin,
mushola kiye persis ning ngarep umahe wong tuaku ning karangturi RT 01/01,waktu nyong esih cilik sing dadi Imam ning mushola kiye arane Kyai Sahur,deweke termasuk Kyai Salaf ( Kuno ) cara ndidike ya nggo cara-cara kuno,angger wong dukuh blendong karo wong bandung dage ari ngarani Mushola kiye ( musholane Kyai sahur ), Mushola kiye dikenal ding wong kelurahan Bumiayu sebabe yen ana rajaban apa muludan takire panganane enak-enak.
nyong esih kelingan angger bar subuh ngaji ning mushola di wulang ding Kyai sahur,ari macane salah,tangane nyong di sabet nggo gitik ( pring cilik dawane sekitar 40 cm gedene mung sejentik ),sing arane bocah cilik angger bar subuh ya lagi ngantuk-ngantuke,kadang ari maca slEngso.
nyong salut ning Kyai Sahur,mulang ngaji langka sing mbayar,tapi ya enjoy bae ari mulang,kayong ora tau krungu Kyai Sahur ngresulah,umahe Kyai Sahur ora adoh sing umahku,sebelah wetanku persis,bojone Kyai Sahur arane Bi rawen dagange rujak karo bubur petis,angger wong jaman kuna ya akeh sing ngerti Bi rawen,rujake terkenal seantero kelurahan Bumiayu.
Kyai Sahur ari ngisi kuliah Subuh ora tau nggo basa indonesia sing sering nggo bahasa kromo,sing nyong kelingan Kyai Sahur kwe ngisi materine tafsir Alquran,dadi bahasa arab diartikna nggo bahasa kromo,angger bocah cilik ya langka sing mudeng,angger wulan puasa giliran Kyai Sahur ngisi kuliah subuh,akeh-akehe sing ngringokna pada turu. ( Kuwe sekilas Kyai Sahur )
taun 1987,
nyong tembe munggah kelas loro SD,bar unggah-unggahan libur sewulan,esuk-esuk bar sarapan,nyong karo kanca-kanca wis pada playon ning latar mushola,ana sing dempuan,cincot,sunda manda,sodor,aburan gambar,pokoke rame umbele ana sing njetet ya belih urusan,lagi seneng-senenge kedabyigan,ujug-ujug Kyai sahur gendoakan.
"heh bocah-bocah bubar-bubar kaeh ana wong mati,aja pada reang,mana pada layad" ( Mane nyong waktu semono lagi ning ngarep umah ndulangi adine nyong sing wadon si Erma,mane nyong menyat krungu jare ana wong mati )
" Sinten sing pejah kyai?" ( Mane nyong takon )
" Kaeh Man Sukrad bojone Bi Was,bapane si Naryo " ( Kyai Sahur njawab )
"dih wingi sonten kulo sumerep taksih seger daning saniki mpun pejah" ( mane nyong semaur maning )
" Lah kuweh umure wong langka sing ngerti mung Gusti Allah tok sing ngerti,wong waras pedigas ujug-ujug bisa mati,wis mana kaeh pada layad,nyong pan ngumumna ning Mushola" ( Kyai Sahur mlebu umah nena pan salin klambi ndisit bar kuwe maring Mushola )
Yuh bocah pada layad Man Sukrad ( Mane nyong ngejak aku karo kanca-kanca maring umahe man Sukrad ).
Ning umahe Man Sukrad,
Bi was nggoser nangis ngangseg-ngangseg kayong ora percaya bojone mati,man Slamet,mas naryo,mas untung ya nangis nggoar-nggoar,nyong karo kanca-kanca dadi melu nelangsa,wong -wong ya melu nelangsa kabeh,mane nyong melu nennagnna Bi Was,barnag anuk lagi ribet-ribete ning umahe Man Sukrad,ana suara sing speker mushola.
"PENGUMUMAN-PENGUMUMAN...ASSALAMUALAIKUM WR.WB....INALILAHI WA INA ILAIHI RAJIUN 3X...TELAH MENINGGAL DUNIA DENGAN ADEM AYEM...BAPAK SUKRAD BIN WASJAD...MENINGGAL PADA JAM SETENGAH ENEM ESUK,ALAMAT KARANGTURI RT 02/RW01 KELURAHAN BUMIAYU...INSYA ALLAH JENAZAH AKAN DITANAM DIKUBURAN LOR...KEPADA KERABAT DAN HANDAI TAULAN DIMOHON TUNGTUNG GRUMBYUNG BERTAKZIAH KERUMAH ALMARHUM BAPAK SUKRAD...DEMIKIAN PENGUMUMAN YANG DAPAT KAMI SAMPAIKAN...WASALAMUALAIKUM WAROHMATULLAHI WABARAKATUH....
( wkwkkwkwkwkwkwkkwkwkwkwkwkkwkwk wong sing lagi pada layad gerrrrrrrrr kabeh,Bi Was karo anak-anake sing lagi pada nangis nggoar nggoar pada gembuyu )
Jare Bi Was " dianggepe sing lanange nyong bedogol gedang apa,jenazah koh ditanam"
wkwkwkwkwkkwkwkwkwk...akhire ning umahe Man Sukrad pada ger geran sing pada nangis dadak-dadakan mandeg gara-gara krung Kyai Sahur basa Indonesiane srag-sragan mbuh maring endi ora,ora suwe Kyai sahur teka ning umahe Man Sukrad,raine biasa bae ora rumangsa salah ngomong.
wis samene bae ya sedulur...nggo ngesuk maning ceritane.
( Sumenep - 21-06- 2011 )
