Mbah Kyai Sulaiman ( Kali Pemali- Buaran )

Mbah Kyai Sulaiman ( Mbah Leman ) kwe salah siji kyai sing unik lan nylenEh sing ana ning brebes selatan,Kyai sing ora nduwe santri,ora nduwe pesantren,kyai-Kyai sing pada nduwe pesantren kabeh ngormati ning Mbah Leman,umahe Mbah Leman ning pinggir kali Pemali Buaran,umahe sederhana,perabot ning njerone mung meja kuna karo rusbang,mbah Leman ari lelunga nganggone Sorban Jubah putih karo nyekeli teken atawa tongkat,yen mlaku ora keri Sholawatan,deweke banget ding kencengE nganggo Syariat,ibadah wajib lan sunah dilakokna kabeh,serba pan apa mesti diawali ndonga.

Nyong ana setitik kenangan karo Mbah Leman,Jaman aku esih cilik Mbah Leman sering maring tokone wong tuaku,gemiyen tokone wong tuaku ning kidul mesjid,studio foto cilik tapi lumayan rame,karena seringe Mbah Leman ning tokoku akhire nyong kenal apik karo Mbah Leman.

Geliseng cerita,aku wis SMP kelas loro,jaman semono lagi baleg-balege,kepengine kabeh bocah wadon sing ayu-ayu ning bumiayu dipacari,"yen kepengin duwe pacar akeh ya kudune duwe ilmu pElEt rah Hep ",om Tarmo ngomong karo nyong," Ilmu pElEt om???...,rika duwe apa om?"..." dih nyong tah ora nduwe hep,nggolet bae ning buku loakan "..."tukune ning endi om?"..."ning pasar wage hep,tapi yen kepengin mantep tah ya kudune kon nggolet guru ilmu kebathinan"...." lah sih nyong pan geguru maring sapa om?"..."Gyeh Hep,..Mbah Kyai Sulaiman sing sering mene kan kenal ikih karo kon,nyong krungu sing wong-wong Mbah leman kwe karomahe duwur,mbokan bae Mbah Leman gelem maraih maring kon"..."iya yah om,Mbah Leman kan eman ikih ning nyong,ya wis lah nyong pan nggone mbah Leman saiki".."Lah kon weruh umahe belih hep?"..."ya gampang takon,ning buaran pinggir kali pemali mbok umahe"..."iya jare tah,ya wis mana mbokan dinein jimat akeh nyong dinein ya hep".."kalem bae om mesti tak bagi"....akhire nyong metu sing toko maring terminal ngejak kancaku MaMad,ora keri tuku gula teh ning toko serayu nggo dinekna Mbah Leman.

"siji maning mangkat,siji maning mangkat"...kenet angkudes gendoakan,ngetem se uwen-uwen ora mangkat-mangkat,penumpange lagi sepi mergane bocah sekolah lagi pada libur...barang anuk mbok troyog bae ana wong nggo putih-putih mlebu angkudes..."Assalamualaikum warohmatullahi wabarakatuh"...nyong karo penumpang liyane njawab kabeh " Walaikumsalam warohmatullahi wabarakatuh"...jebulane Mbah Kyai Sulaiman sing mlebu,kayong kebeneran temen,pan maring umahe malah ketemu ning njero angkudes,Mbah Leman bar ngucap salam terus nyalami ning kabeh penumpang,barang salaman karo nyong deweke kaget.." dih kon nong nang gagah pan maring endi?"...nyong semaur " nyong pan ning umahe njenengan Mbah"..." lah ya wis kebeneran nang gagah,miki tembe bae mbah sing tokone bapamu,biasane kon katon lagi ngentor ning ngarep toko miki tah langka jebul lagi njubleg ning kene".

Supire nyetater mobil,terus jalan,barang wis anjog pasar wage kenete nariki bayaran,mbah Leman ngomong.." Kye penumpang sing ana ning kene tak bayari kabeh ding aku"...wong ning angkudes kaget kabeh,lah ujug-ujug kancaku si MaMad karena rumangsa ora kepenak dibayari deweke ngomong.." Mbah kulo tah mboten usah dibayari"...mbah leman takon ning MaMad " kon duwe duiiitt?"..."nggih Mbah"..."ya wis angger kaya kuwe kye kabeh penumpang dibayari ding kon"...wkwkwkwk nyong ngekek krungu mbah Leman ngomong kaya kuwe.."Mad ente gari manut karo Mbah Leman koh malah ngEngkEng akhire ente sing dikongkon mbayar,gaiyan ente mbayar kuwalat kon angger ora nuruti omongane Kyai"..."apes kye nyong hep, apes!"...MaMad ngetokna duit rolas ewu nggo mbayari wong rolas,jaman semono maring buaran ongkose mung sewu perak.

"Kiri,kiri,kiri"...nyong karo Mbah Leman mudun sawise jembatan kali pemali buaran,.."nang gagah kyeh mene Mbah digandeng"...nyong langsung nyekeli tangane Mbah leman.."hiiss nggandenge aja kaya kwe,jentikmu karo jentikku gandengan"..nyong manut bae lah wedi kuwalat,sadawane dalan awit sing jembatan anjog umahe Mbah Leman nyong karo Mbah leman nggo tontonan uwong,sing pada ndelengna pada kegugu,weruh gandengane nyong karo Mbah Leman kaya wong pacaran,asline nyong isin nemen digeguyu,tapi nyong ndeleng mbah leman cuek bae karo sholawatan.

"Assalamualaikum,..mak kye ana tamu sing bumiayu,gagiyan digawekna wedang"...mbah leman ngongkon ning bojone,nyong karo MaMad njagong,ora suwe bojone Mbah Leman metu nggawa wedang karo nggawa madang.." wis gagiyan pada madang ndisit"..Mbah Leman ngongkon ning nyong.

Rampung madang..."ana apa tong gagah,kadingarEn kon koh kepengin dolan mEnE"..."anu mbah nyong kepengin merguru ning njenengan"...mbah Leman gemuyu karo takon maning " Geguru ilmu apa,Mbah tah wong bodo ora nduwe Ilmu,sing duwe ilmu tah mung Gusti Allah tok"..."lah aja ngrendah kaya kuwe Mbah jare omku,Mbah Leman kwe karomahe duwur,pokoke yen nyong ora diajari ilmu nyong ora pan balik,pan ning kene bae"..."temenan kye kon pan belajar Ilmu,tolih kon pan belajar ilmu apa?"..."nyong kepengin bisa ilmu pelet Mbah"..nyong ngomong karo nyrenges nutupi isin..."ha ha ha....kon pengin belajar Ilmu pelet,ya wis kyeh tak ajari tapi aja sembarangan ya,"...mbah leman ngakak krungu nyong njaluk ilmu pelet.

"kyeh cara rituale,dicatet ya"

"Sembahyang hajat patang rokaat karo puasa selama seminggu,tiap bar sembahyang maca Bismillahirohmanirohim ping sewu,bar kwe maca...SUN MATEK AJIKU SEMAR MESEM,MUT MUTANKU INTEN,NURCAHYO MANJING PILINGANKU KIWA TENGEN,SING NYAWANG KEGIWANG,TEKO WELAS TEKO ASIH MARANG AWAK INGSUN,...wis kweh mana dilakoni"..."maturnuwun nemen ya mbah,ya wis ya mbah aku langsung balik lah,wis sore soale mbokan langka mobil maring bumiayune,tulung aja ngomong bapane nyong ya mbah yen aku mene njaluk ilmu pelet"..."iya iya mbah ora bakal wadul".

Nyong balik,bengine nyong langsung tirakat,nganti seminggu rampung kabeh,barang wis rampungan nyong prengasa gagah dewek yakin nemen bakale akeh bocah wadon pada seneng.mangkat sekolah ning sekolahan rapalane tak waca terus,tapi daning ajeg bae langka bocah wadon nguber-nguber,nyong dadi ragu kyeh,jangan jangan Mbah leman goroh,daning ilmune ora cespleng ora apa,tapi ya mbokan ngesuk tah ya ana sing nguber-nguber,esuke ya pada bae kaya dina wingi langka sing nguber-nguber,ah mbarah nyong pan tak takokna maning ning mbah Leman mbokan bae nyong tirakate ana sing salah.

"assalamualaikum mbah"..."walaikumsalam warohmatullahiwabarokatuh"..mbah leman mbuka lawang terus nyalami nyong...."priben nang gagah wis dilakoni kabeh ilmune?",..."uwis Mbah,tapi daning ora cespleng yah,wacanane ana sing salah nean mbah?"..."he he he,kyeh mene njagong ndisit,kon wis sembahyang hajat?"..." uwis Mbah"..."wis wirid Bismillah?"..."Uwis Mbah"..."rapalane ya wis diwaca?"..."uwis Mbah"..."puasane sih rampung?"..."uwis Mbah"...."gyeh nang gagah,wong wirid kuwe kudu ngarti tulisanne terus kudu ngerti artine,terus kudu ngerti maknane,terus kudu ngerti ngamalnane,terus kudu bisa ngikhlasnane,faham kon!!...sing arane Bismillah kwe intine kasih sayang,angger kon wis bisa kasih sayang maring sapa bae ya ngko kabeh wong bakal seneng maring kon,ora susah kudu di pelet,angger kon wis bisa susah seneng mesem,ngemut inten ora kakehen cangkem ya sing nyawang kegiwang,teka welas teka asih maring kon,!!...kon kan tembe ndremEmEl maca tok durung nglakoni makna sing sebenere Bismillah"...nyong mantuk-mantuk tok karo isin ning mbah Leman..."berarti nyong salah ya mbah?"..."ya mbangkana salahe,kon kwe ora beda karo manuk beo,bisa ngomong apa bae tapi ora ngerti apa sing diomongna"..."Astaghfirullah,"..aku nangis mrebes mili,dudu sebab digranyami ding mbah Leman,tapi sebab ngrasa salah nemen ning pangeran,selama kiye nyong,wirid,sembahyang tapi ora ngerti makna hakikine,ora ngerti pengamalan ning kesehariane..."maturnuwun nemen mbah pelajarane,mbah wis mbuka pemahamane nyong,saiki nyong wis ngerti pelet sing paling ampuh ya perilaku kasih sayang,aku njaluk ngampura sing akeh".

akhire nyong balik karo mikiri apa sing diwejangna ding mbah Leman.

Kwe setitik kenangane nyong karo Mbah Kyai Sulaiman Kali Pemali Buaran,selamat jalan Mbah sampekna salamku nggo Gusti Allah.

( Sumenep - 09 - 10 - 2011 )

Cipanas Pangobatan ( desa pangebatan - Bantarkawung )

Menurut riwayat wong-wong sepuh ning buaran,cipanas kiye petilasane atawa peninggalane Syeikh Abad Sambung Geni,salah siji wali penyebar Islam ning daerah hulu kali Pemali lan sekitare,aran asline syeikh Abad Sambung Geni mbuh sapa,asale sing endi gen ora ngerti,kemungkinan tah salah siji ulama sing di kongkon ding sunan gunung jati kanggo ngislamna wilayah Cirebon Bang Wetan,gemiyen wilayah brebes nganti anjog Dieng Wonosobo kwe arane Cirebon Bang Wetan,Syeikh Abad Sambung Geni ora dewekan nyebarna Islam ning wilayah kono,ning sekitare wilayah kali keruh karo kalierang ( Kaliherang : Sunda artine kali bening ) kwe sing nyebarna Arane Mbah Agung Suralaya,Mbah Agung kwe menurut cerita jarene Salah siji Panglima-ne Sunan Gunung Jati.

Balik maning cerita Syeikh Abad Sambung Geni,

jaman semono ning wilayah kali pemali dan sekitare ana Pageblug ( wabah penyakit ),ana gudig,ana rematik,wis macem macem lah pokokoke,dukun-dukun karo tabib-tabib wis kemlabak kabeh ora bisa nangani pageblug kuwe,Syeikh Abad nembe awal-awalan dakwah ning daerah kono,santri-santrine gen akeh sing pada meriang,akhire santri-santrine ngomong karo Syeikh Abad njaluk digoletna obat pageblug kuwe,jare Syeikh Abad " Ya wis ari kon-kon pada wis ora tahan,aku pan njaluk petunjuk ning Pangeran",Syeikh Abad nggawe gubug ning tengah Sawah kulon buaran,ning kono deweke tirakat nganti sekitar patang puluh dina,dina terakhir deweke olih petunjuk,tongkat kayune kongkon ditancepna ning tengah sawah,bar ditancepna terus diangkat jebulane lemahE alon-alon mlendung kaya pan njeblug,saya suwe saya gede,Syeikh Abad mlayu,ndeleng sing kadohan, akhire lemah kuwe njeblug metu banyu panase,Deweke terus ngucap daerah kiye tak arani LEMAH BUSUNG ( lemah sing mlendung kaya wong meteng ),jebul jeblugan lemah kuwe ora mung siji,ning pereke bukit ya ana,syeikh abad mbatin " kiye obate pageblug",deweke terus balik,santri-santrine dikumpulna dinein ngerti ana banyu panas metu sing lemah ning kulon Buaran,kwe obat nggo nambani penyakit sing lagi mewabah.

akhire geger,wong pada regudugan adus ning LEMAH BUSUNG,wong-wong sing daerah Sunda ari ngarani Cai Panas pengobatan ( Cipanas Pangebatan ) ,alhamdulilah pagebluge ilang,arane Syeikh Abad dadi terkenal,akeh wong pada nemuni akhire pada mlebu Islam.

Sumber cerita kiye sing Sesepuh-Sesepuh dusun Buaran,bener apa orane cerita kiye,aku belih ngerti.

Hisab

Segala yang terdeteksi indera

itu adalah tanya sang kuasa

berproses mencari jawabnya

tak sempurna tak apa

lalu

kenapa masih diam ditempat?

( Sumenep - 07 - 10 - 2011 )

Badahan Taun 2011,Mbarah Dipikir ( cerita 2 - Pasar )

• Sambungan tulisan sing lagi anuk,

  aku anjog umah,langsung bludus bae ora kulanuwun,mane nyong kaget weruh nyong balik karo bojoku,"dih wis balik nong tong gagah,sing sumenep jam pira sih?",aku ndEprok karo nglepEsE ngeluk boyok," sing sumenep jam 3 sore ma',awak rasane ringsek kabeh kyeh,rika sih daning yawEnE wis ning umah,ora dagang apa?".

  mane nyong njagong karo mbenerna dasterE sing kedodoran," lah Hep dagang saiki tah ora kena di arepna,pasar ari yawEnE ya wis sepi,ning njero mung isine wong dagang pendelik-pendelikan karo wong dagang,sing tuku langka".

  "lah bisane sih ma' mbokan kiye wis enggal prepegan,biasane wis mulai rame wong mudik pada belanja".nyong njawab karo nyambi nyruput banyu Aqua,"sing tuku wis kebEgal-bEgal ning njaba pasar hep,nyong dagange pakaian,lah ning pinggir dalan toko busana ndEkEnE wong padang rEntEngan awite sing kidul masjid Agung nganti anjog pertelon pasar wagE,paling nyong nglayani wong desa sing nyasar mlebu pasar hep"".

  "tapi rika daning kweh ana bae nggo mangan tah berati payu rah dagangane",nyong semaur ning manE,manE nyong nyruput wedang,rupane teh wayu luwihan sing mau digawa ning pasar,bar kwe dEwEkE semaur" gyeh hep mbokan kon pengin ngerti sing sebenerE,ning pasar kwe saiki wis balik maning kaya jaman Flinstone",nyong mlegeg karo takon maning," Maksude rika priben ma'?".

  "Dih kon tah ora nyandakan nemen,maksude balik maning kaya jaman gemiyen lagi durung ana duit,transaksine barteran,sebabe dagangan pada ora payu,ana bawang di ijoli kutang,ana tempe di ijoli sandal,beras di ijoli tas".

  "iloken ma' nganti kaya kwe,bisanE nganti kaya kwe sih ma?",nyong madan ora ngandel ning omongane manE inyong.

  "Lah yong pemrentahe gen kelewatan nemen hep,mbokan aturanE yen arep gawe swalayan kudune paling ora kudu adoh sing pasar,kon weruh dewek mbok,swalayan pating tlEktEk ning ngarepE pasar,wis kaya kwe,trotoar gen nggo dagang,anjoge wong suka belanja ning njaba yah males mlebu ning pasar,nyong ora nyalahna sing pada dagang ning trotoar,sebabe pan pada tuku lapak ning njero pasar regane larang".

  ManE nyong nyrocos terus nganti ngos-ngosan,nyong semaur maning,"prengasanE nyong tah lah yong ning bumiayu saiki akeh bank berarti ya transaksi sing ana ning bumiayu perputarane apik ma',berarti ekonomine stabil".

  " diiiih kon sih bodo nemen hep,semakin akeh bank berarti semakin akeh wong nduwe utang,kaeh wong-wong sing pada riwa riwi maring bank kwe pada setor utang dudu pada nabung,kiye gen mane duwe utang ning BRI sing resmi karo BRI sing ora resmi koh".

  " Hah sing bener bae ma' iloken ana BRI sing ora resmi,rika tah ngarang nemen yakin".nyong kaget manE nyong ngomong ana BRI sing ora resmi.

  "Mulane Hep sekali kali ninggoni warung sing ning pasar,BRI sing ora resmi kwe singkatanE Bank RIwa riwi alias bank utuk alias rentenir alias lintah darat,faham kon!,ari mane ora nyilih ning bank utuk ya sida nggal dina keliren yah,angger kon ana luwih nggal wulane mbarah manE direwangi setor hep,kayong megap-megap nemen koh".

  " Ya wis ma' mulai wulan ngarep ari aku ana luwihe rika tek rewangi,kye nyong ngelih nemen koh pan madang,ana lawuh apa ma'?"

  " Kaeh ana jangan Sandal Hep"

  "kikikikikkkkkikikikikkkkikikkkkkkk kelakon kyeh nyong mangan jangan sandal".( maksude jangan tempe sing tempene ijolan karo sandal ).

  bersambung...

  Sumenep - 03 - 10 - 2011

Badahan taun 2011 ,Mbarah dipikir ( cerita 1- ojek )

• Bada kurang seminggu nyong mudik sing Sumenep Madura maring Bumiayu,ning dalan wis ngangen angen gemah ripahe kota Bumiayu,keselE ilang yen kelingan opak petis,kluban karo gempol,numpak bis nganti beyekane macek nemen,lah yong ganti bis nganti ping lima suwene perjalanan selikur jam,mangkat jam telu sore anjog bumiayu jam sewelas awan.

  " Bumiayu abis,bumiayu abis " kenEtE gendoakan,jebulane wis anjog terminal bumiayu,nyong gagiyan bae ingkes-ingkes nggendong tas,ora klalen bojoku tak gandeng.tembe bae jrut sing bis, tukang ojek ngrubung kabeh,sing dadi heranne ana sing sekeluarga dadi tukang ojek kabeh,bapane,anake,mantune,trus sepupune dadi tukang ojek kabeh,nganti bingung pan numpak sapa, bapa,anak,mantu godogan rebutan nyong, ora eling yen kwe mantu kuwe bapa,kuwe anak...barang nyong wis nyemplak ning motore mas Yahya,anake mas yahya ngomong " bapa tah gena tassE wis kecekel ding nyong jare di gawa bae si hepi "..."Dih kaeh kon kebagian mboncengna bojone si hepi koh Hel " ( yahya semaur maring Helmi ),nyong mbonceng karo kegugu bapa karo anak nganti pecucuan rebutan penumpang.

  " anake sih endi Hep daning ora melu?" ( Yahya ngajak ngobrol sedawane dalan ),"anaku tak titipna ning mertua awit sedurunge wulan puasa,soale nyong 3 wulan wingi bolak balik bumiayu sumenep,melas ari anaku tak gawa bati kesel ning dalan tok"..."kon tah kepenak yah Hep sangertine inyong,awit kon tembe balEg nganti saiki pegaweanmu mung klendangan tok,pisangkala olih bojo,bojone diangkat dadi PNS,coba deleng nyong kyeh hep,urip sing awit lair nganti saiki uplekane ning terminal bae,ora tau mingser,mbarah priben carane ben bisa urip kaya kon hep,klendangan tapi ana bae sangune"..."sembarangan nemen rika tah ngarani nyong urip klendangan tok nyong gen PNS ( Pegawai Negeri Serabutan ) maksude tah he he he,angger rika kepengin urip kaya nyong ya rika gari Nyupang bae rah mas,kaeh anak mbarepE rika si Helmi gari dadekna tumbal wkwkwkwk...gyeh nyong pan takon bisane rika sekeluarga dadi tukang ojek kabeh kepriben ceritane?"

  "Nyong ngojek sebabe nyong kredit motor nggo pranti mangkat Nyalo ning terminal,lah yong bise bis jakartahan nyalo mung ari esuk karo sore,daripada awane nganggur ya mendingan ngojek,si helmi ngojek sebabe ya kredit motor dagang mie ayam genah hasile ora sepira akhire ya ngojek,mie ayame malah bubaran kenaken motor-motoran bae,terus kae mantune aku bisane ngojek gara-garane ya kredit motor,lah kawinan anyar langsung bae njikot motor,ora dipikir ndisit ngko nyetorine pan kepriben,gena deweke nganggur,akhire takdire keluargane nyong mati urip ning terminal Hep"..."angger kaya kiye sing rugi nyong mas"..." lah rugi kepriben Hep?" ( Mas Yahya takon karo bingung ).." Ya jelas rugi rah mas donge umummE bayar ngojek sing terminal anjok umahku mung 5 ewu,kye nyong mbayare tak luwihi yah sebab ndeleng raine rika melasi"..."dih ari kon ora ikhlas ya gari bayar 5 ewu bae rah Hep ora papa ikih" ( Yahyane kayong sewot )..".wkwkkwkwkwk aja dugal rah mas".( ora krasa ngobrol jebul wis anjog ning umahku ).

  Bersambung...

Mutiara Bertabur Dusta

Mulut bertabur Mutiara

dengan kaki tak berbekas luka

itu dusta

dan kini itu biasa

mulut mulut mungil tak ber-ibu bapa,terkapar

dibawah mimbar

tangan tangan terulur merona iba

surban putih dilumuri tinta hitam penguasa

aku terpaku sepanjang jalan

panas tak meranggas

hujan tak bawa kedamaian

jutaan kepala tergilas

Musyafir mengejar senja

sebentar mentari kan terbenam

mulai kikis suka duka

dengan hening menyambut malam

( 03 - 10 - 2011 )